اپنی ذاتی معلومات میں تبدیلی کریں
انکم ٹیکس گوشواروں پر کرنے کی غرض سے رجسٹریشن کے لیے دی گئی معلومات تین طریقوں سے تبدیل کی جا سکتی ہیں۔
1۔IRIS کے ذریعے معلومات میں تبدیلی۔ IRIS میں لاگ ان ہو کر معلومات تبدیل یا اپ ڈیٹ کی جا سکتی ہیں۔ انکم ٹیکس کےرجسٹریشن فارم 181 (تبدیلی والا فارم)کے ذریعے مندرجہ ذیل معلومات اپ ڈیٹ کی جا
سکتی ہیں:
- موبائل نمبر
- ای میل
- ذاتی/ رہائشی پتہ
- کاروباری پتہ
- کاروباری برانچوں کا اضافہ
- انکم ٹیکس آرڈیننس کی دفعہ 87 کے تحت قانونی نمائندہ
- بینک اکاؤنٹ
2۔ فیڈرل بورڈ آف ریونیو کی ہیلپ لائن کے ذریعے معلومات میں تبدیلی، فیڈرل بورڈ آف ریونیو کی ہیلپ لائن سے بذریعہ فون یا ای میل معلومات تبدیل یا اپ ڈیٹ کی جا سکتی ہیں۔
ہیلپ لائن کے ذریعے مندرجہ ذیل معلومات اپ ڈیٹ کی جا سکتی ہیں:
- نام
- تاریخ پیدائش
- صنف
- معذوری کی صورت میں
- بزرگ شہری کی صورت میں
3۔ علاقائی ٹیکس آفس کے ذریعے معلومات کی تبدیلی۔ رجسٹریشن کے حوالے سے مندرجہ ذیل امور میں تبدیلی کے لیے متلقہ علاقائی ٹیکس آفس کا دورہ کیا جا سکتا ہے۔
- کاروبار کی معطلی
- انکم ٹیکس گوشواروں کی پڑتال کا اختیار
- رجسٹریشن کی معطلی
- قومی شناختی کارڈ نمبر میں اپ ڈیٹ
- پاکستان اوریجن کارڈ میں اپ ڈیٹ
انکم ٹیکس رجسٹریشن کی تفصیلات میں تبدیلی کے لیے کسی بھی شخص کو متعلقہ دستاویزات کے ساتھ علاقائی ٹیکس آفس جانا ہو گا۔
