وزیر اعظم آفس کی ایک ٹیم نے ایف بی آر ہیڈکوارٹر میں وزیر اعظم کے اسٹریٹجک روڈ میپ انیشیٹیو پر پیشرفت کا جائزہ لیا. اسٹریٹجک روڈمیپ کا مقصد اہم وزارتوں میں سروس ڈیلیوری کی فراہمی کو بہتر کرنا ہے۔ ٹیم جس میں گورننس ریفارم کے بین الاقوامی ماہر سر مائیکل باربر بھی شامل تھے، نے ایف بی آر کی کارکردگی پر اطمینان کا اظہار کیا۔
چیئرمین ایف بی آر عاصم احمد نے سر مائیکل باربر کو بتایا کہ ایف بی آر کامیابی سے اپنے ریونیو کے اہداف حاصل کر رہا ہے۔ ممبر ان لینڈ ریونیو آپریشنز امجد زبیر ٹوانہ نے ٹیم کو تجارتی سرگرمیوں کی نگرانی کے لیے ایف بی آر کے اہم اقدامات بشمول ٹریک اینڈ ٹریس سسٹم اور پوائنٹ آف سیل انٹیگریشن کے بارے میں بتایا۔ ممبر ایڈمنسٹریشن فیض الٰہی میمن نے اس بات کا اعادہ کیا کہ ایف بی آر اسٹریٹجک روڈ میپ کے اہداف کے حصول کے لیے پرعزم ہے۔
